Stenges Anna

Faaschtebounen

Vollékslidd

​

No Fuessonndeg d'Kanner rennen

Wou mer sech verknespelt hun

Op d'Fangeren si all kennen

Déi sech dat Jor hu bestued.

Kuckt se : Mont a Pratzen op,

Wéi ze jäitzen drop an drop : 

​

't as vill Gléck, 't as vill Gléck, 't as vill Gléck an Iérem Haus

Werft ons d'Faaschtebounen raus!

​

Kuckt wéi se mat Bante falen

Op Gebäcks, Zocker a Nëss.

Ma wuerop s'am meeschten halen

't as op Zensen, 't as gewësst.

't kann da fale wat et wëllt,

't gët allzäit d'nemmlecht gebrëllt:

​

't as vill Gléck, 't as vill Gléck, 't as vill Gléck an Iérem Haus

Werft ons d'Faaschtebounen raus!

​

D'Bestueden as ganz verschidden,

Guer vill an den éischte Méint

Hu schon Häerzschmierz gelidden!

De Fridd as de wéi geléint.

Onglécklech ! 't as nach ze fréi!

An der Gaass jäitzen d'kleng Géi:

​

't as vill Gléck, 't as vill Gléck, 't as vill Gléck an Iérem Haus

Werft ons d'Faaschtebounen raus!

​

't gët vill Männer déi duurch d'Léien

Spillen e schmotzreche Roll :

Fir eng Hellechsgof ze kréien

Hu si sech eng Fra geholl,

A si hu se guer nit gär!

Dach jäitzt dat rotzecht Gefier :

​

't as vill Gléck, 't as vill Gléck, 't as vill Gléck an Iérem Haus

Werft ons d'Faaschtebounen raus!

​

Déi Fra déi sech gär wëllt streichen

Huet d'Uursachen an der Wiel : 

Si kann hire Mann nit leiden,

En as al... roud... oder giel.

D'Fra hat méi Verstand als Braut.

An op der Gaass gët gejaut . 

​

't as vill Gléck, 't as vill Gléck, 't as vill Gléck an Iérem Haus

Werft ons d'Faaschtebounen raus!

​

Ech weess der vun alle Klassen,

't as vläicht hir eege Schold,

Déi sech nit zesumme passen.

Allebéiden hu sech wollt.

A wire s'elo rëm lass!

Dach jäitzt de krappege Rass : 

​

't as vill Gléck, 't as vill Gléck, 't as vill Gléck an Iérem Haus

Werft ons d'Faaschtebounen raus!

​

E geféierleche Geeschtekranken

Bréngt eleng sou flausen duer,

Fort mat déen schwaarze Gedanken,

't gët vill jonk a glécklech Puer.

maacht d'Rond, Kanner wéi all Jor.

Jäitzt dass riicht iech stin ier Hor:

​

't as vill Gléck, 't as vill Gléck, 't as vill Gléck an Iérem Haus

Werft ons d'Faaschtebounen raus!

​