Stenges Anna

D'Postdauf an den Schnellzuch

Stenges Anna - 1990

​

Si sutz op der eisen Dunn

Zu München an der Stazioun.

Hie Stung op der eise Bunn

Scho bereet fir eng Missioun.

-Joffer Dauf, wat sid dir léif

Huet hie geflëschert wéi en Elf.

-Wéini kéint mäi Liebensbréif,

Huet si gepëschpert fir sech self.

​

Hie war wéi eng laang Bounestaang

A gemoschtert wéi ee Clown.

Si huet hiirt bescht Kleed ugehaang

An och déi schéinst Plëmmchen un.

- O Här Zuch wéi kann et sin

Datt Dir alles schon hutt gesinn ?

-Ech si déi bescht Mall ! 

De Champion vun hinnen all !

​

Si huet geklappt, gerëselt de Kapp

An husch war se wéi de Wand.

Hien huet séch nach viru gebrätzt am grousse Schlapp.

An as er nët erno koum, wat eng Schand !

- Waart, huel méch dach mat

Ruff am hächen den Här Schnellzuch

- A wat nach, du Kräitz vum Schmatt,

Sot d'Postdauf, ech hun déenges genug.

​

A si war husch, iwer Bësch a Knupp.

Vu Baach zu See as si geflunn,

Ëmmer méi séier, wéim Jëer säi Mupp.

Am gréngen Dall as hien er no gezunn.

- Hëllef, hëllef, hëllef koum ee Kreesch,

Vum Himmel bis zur Hell !

- Wat as ? Wat as ? Wat as ? Elo gët et eesch,

As gebronnt gin am Tunnel.

​

Zur Luucht koum hie geschoss

A säint laangt Këssen ausgespreet,

Huet opgefaang d'Dauf am Verdross

A se op d'Häerz gedréckt mat Freed.

- Méng Léif Postdaifchen, bleif do

Op méngem Reck, an nët emsoss.

-Du gudde Schnellzuch, esou no

Bleiwen ech bäi dir mat Genoss!

​

​

​

​

​